د ارزاقو دولتي شرکت د کاري پلان سره سم د فاریاب پوهنتون لیلیې لپاره د خوراکي توکو د اکمالاتو نه د نظارت او څارنې په موخه ټاکل شوی پلاوی د دوشنبې په ورځ د روان کال د عقرب میاشتې په اتمه نېټه د فاریاب ولایت ته ورسید.

ټاکل شوي پلاوي د فاریاب پوهنتون د مالي او ادراي مرستیال سره یاد پوهنتون ته د خوراکي توکو د اکمالاتو په هکله هر اړخیزې خبرې وکړې، د فاریاب پوهنتون رهبري د خوراکي توکو په برخه کې د ارزاقو دولتي شرکت له خدماتو په پوره توګه رضایت وښوود او د ارزاقو دولتي شرکت د خوراکي توکو په برخه کې د خدماتو د لا ښه کیدو په موخه یې خپل وړاندیزونه او مشورې د ارزاقو دولتي شرکت له استول شوي پلاوي سره شریکې کړې.