د کابل پوهنتون او پولیتخنیک پوهنتون لیلیو ته د خوراکي توکو د رسولو په اړه غونډه د ارزاقو دولتي شرکت اجرائیوي رئیس محترم مولوي عبدالرزاق رفیع په مشرۍ جوړه شوه چې د سوداګرۍ خونې مرستیال، د پروژې د تطبیق آمر او نورو اړوندو کارکوونکو پکې ګډون کړی و.
په دې غونډه کې د کابل پوهنتون او پولیتخنیک پوهنتون لیلیو ته د باکیفیته موادو او پر وخت اکمالاتو په اړه هراړخیزې خبرې وشوې او لازم تصمیمونه ونیول شول.
د غونډې په پای کې محترم مولوي عبدالرزاق رفیع د اړونده ادارو مسوولینو ته په خپلو کاري چارو کې د بریالیتوب هیله وکړه او د خپلو کاري چارو د لا ښه والي په موخه یې لازمې لارښوونې وکړې.